Tri dekada më parë, saktësisht në vitin 1985, në Prishtinë, ideja dhe përpjekja e kamotoshme e brezave para nesh për përkthimin e Kuranit në gjuhën shqipe, u bë realitet. Në të vërtetë asokohe, Bashkësia Islame e Kosovës konkretizoi me botim punën disavjeçare të prof. Feti Mehdiut, me çka edhe shqiptarëve ua mundësoi që Librin e Allahut ta kenë dhe ta lexojnë në gjuhën e tyre të bukur Shqipe.
